– واحد من الاحصنة الرابحة ضمن موسم رمضان 2024 والأفضل ضمن مسلسلات النصف الثاني من رمضان ومفاجأة الموسم الي أشاد بيها الكل تقريباً محدش شاف المسلسل واختلف عليه وبعض الجمهور صنفه انه المسلسل الأفضل وده لعدة أسباب :
قصة مسلسل “جودر”:
بتدور الاحداث عن شخصية “جودر المصري” الي الاساطير بتقول انه الي هيبحث ويلاقي الكنوز الأربعة الي اخفاها الحكيم “شمردل” ولكن بعد مروره في مغامرة تقيله وصعبه ما بين كل الصراع مع اخواته الي بيكرهوه وما بين السحرة الأشرار الي بيسعوا بردوا للكنوز الأربعة.
– المسلسل بيقدم قصة جديدة من قصص كتاب “ألف ليلة وليلة” بشكل جذاب وممتع وبممثلين محبوبين.
– المسلسل يعتبر الاضخم إنتاجيا لموسم رمضان 2024.
– موسيقى المسلسل المعبرة جداً لعزيز الشافعي والمناسبة لأجواء السحرة والفانتازيا الي في المسلسل.
– قصة “جودر المصري” متقدمتش قبل كده في الاعمال الي عرضت قصص “ألف ليلة وليلة” فتعتبر جديدة للمشاهدين الي عاوزين يعرفوا اكتر عن شخصية “جودر”.
– فريق تمثيل محبوب وناجح:
النجم “ياسر جلال” الي قايم بدورين في العمل ومتحسش انهم نفس الشخص وبالأخص اداءه في شخصية “جودر” لأني حسيته بيكلم بالشخصية وبنفس طريقة الزمن ده حتى الجمل الحورية والانبهار قدمه حلو جدا.
أداء “ياسمين رئيس” في دور “شهرزاد” واتقانها في اللغة العربية بالإضافة لــ خفة دمها.
أداء “جيهان الشماشرجي” اللطيف لشخصية “شروق” حبيبة “جودر المصري”.
النجم “وليد فواز” الي قايم بدور الأخ الحاقد وتقريبا نظراته بتكون كافيه لتوصيل المشاهد.
النجمة “نور” الي فاجأتني الحقيقة جدا بدورها الشرير واتقانه دون أي افوره او تقليد للشخصيات المشابهة في قصص ديزني لا قدرت تقدم شخصية بطريقتها.
النجوم ” محمود البزاوي” و “وفاء عامر” وكذلك “احمد بدير” و”عبد العزيز مخيون” كله بصراحة ابدع وعمل الي عليه.
– الاهتمام بالديكور والملابس على اكمل وجه ما بين شكل البلاد في الفترة الزمنية دي وكمان العوالم السحرية والخيالية الموجودة والمعمولة بدقة مبهرة وملابس الشخصيات سواء في عالم “شهريار” او في عالم “جودر” الواقعي والخيالي منه.
– كادرات تصوير تحفة وكمان المؤثرات البصرية مبهره واتقدمت بشكل حلو اوي وده كان واضح من وقت اعلان المسلسل.
معلومات قد لا تعرفها عن ياسر جلال .. رشدي اباظة العصر الحديث
– احداث سريعة وممتعه تحس فعلا انك في مغامرة مش عاوزها تنتهي مستمتع بالمناظر الطبيعية ومستمتع بالأداء وسير القصة.
-حقبة زمنية رايقة وبتخرجك برا الاطار المكرر في المسلسلات ما بين المناطق الشعبية او المناطق الرايقة الي الناس تقريبا” زهقت من تكررها ونمطية احداثها.
