بعد اخبار ظهور تمساح في مدينة اكتوبر بالقاهرة إليكم نصائح فيلم Crawl للتعامل مع التماسيح ودليلك الكامل للتصرف إذا وجدت تمساح بالقرب منك.
1- اوعى تنزل القبو
يعني لو سمعت عن مكان في تماسيح اوعى تنزل لأي دور تحت الأرض سواء كان مخزن او جراج … الخ ده لمصلحتك انت
2- سرعة التمساح في المياه اسرع من الأرض
متحاولش تهرب من التمساح بإنك تنط في المياة لأن لو مبتعرفش تعوم وقتها المياه هترفعك بالمعنى الحرفي.. رفعتك اني اسف
3- احتفظ دائما في بيتك بعوامة كبيرة
هتنفعك في موقف زي اللي فات لو نزلت المياه هتعرف تجري بيك.
4- اسمع كلام ابوك واخوك واي حد
في ولد كان قدامه فرصه ياخد فلوس كتير ويمشي انما مسمعش الكلام فالتمساح مسبوش .. لما تعرف ان التماسيح جت حواليك اسمع كلام اي حد حواليك
5- الابطال بيعيشوا للآخر
وانت مش بطل انت كحياااااااااان يا محمد ف بلاش فرهدة وخليه ياكلك ومتضيعش وقتك