اخبار

احذر فالوحش بداخل كل شخص فينا – The Night crawler

احذر فالوحش بداخل كل شخص فينا - The Night crawler 1

محدش فينا هينسي الفيلم الرائع والاداء العظيم لجاك جيلنيهال في الفيلم ده ولكن اللي محدش هينساه فعلا هو المشهد اللي كسر فيه جاك المرايا ..

اللي بيحصل قبل المشهد ده ان البطل بيفوته فرصه تصوير سبق صحفي لحادثه بتحصل وبينجح فيها المنافس بتاعه اللي دايما كان متفوق عليه فبتلومه المديره بتاعته علي تفويته الخبر ده وبطبيعة شخصيه البطل هو مبيحبش يفشل …

لما بيروح بيته بيشوف خبر وقوع الطياره علي التلفزيون وبيحس وقتها بالفشل الذريع لعدم مقدرته علي تصوير السبق ده ..

البطل طول الفيلم كان بيمتاز بطبعه الهادي وغموضه .. لكن في مشهد وقوفه قدام المرايه بعد مشاهدة الخبر لمده 4 كان علي طبيعته الهاديه .. من بدايه الثانيه ال 5 وتعبيرات وشه بدأت تتحول لتعبيرات مخيفه جداً لدرجه ان المشاهد هيحس ان اللي كان قدامه طول الفيلم ده ماهو الا قناع للوحش اللي جوه وهيخرج في اللحظه دي …

المشهد مخيف لأنه بيلعب علي وتر الرعب النفسي للمشاهد في لحظه تحول تعبيرات وش البطل ومسكه للمرايه والصراخ فيها وبعدين كسرها بيبين مدي الحاله النفسيه المذريه لدي البطل وازاي الكبت اللي جواه والحاله النفسيه اللي جواه هيتجسدوا علي شكل تعبيرات وغضب . .. المشهد بيورينا مدي انانيه البطل وفي نفس الوقت طموحه الكبير وعدم قدرته علي تحمل الفشل …

المشهد بينتهي بكسر البطل للمرايا والنظر فيها بكل غضب مع موسيقي ليها لكنه تهديديه ورتم عالي تمهيداً للخطر اللي هيحصل من جانب البطل وكتعبير لظهور الوحش اللي جواه …

بقلم : حسن سلامة

Behind The Scene
بيهايند هي كيان سينمائي مصري متخصص فى مجال ترشيحات الأفلام والمسلسلات وتقديم تغطية لكافة الاخبار الفنية في السينما والدراما