مقالات

جونى ديب | حرباء هوليوود ام افضل ممثلي جيله ام موهبه ظلمت نفسها ؟

شخصيات الحرباء جوني ديب

جونى ديب ممثل ممتاز جداً يمكن اقدم فيلم ليه بالنسبه للعامه من المتابعين هو What’s eating Gilbert Grape وابدع في الفيلم ده هو وديكابريو .

طبعا عشان الناس اللي بتقول المكياج وما شابه فهو في الفيلم ده كان طبيعي جداً وسنه صغير قدر يثبت نفسه كويس بالفيلم ده ..

جوني ديب كل افلامه مميزه وجميله جداً وممتعه الي حد كبير بس يعيبها شئ واحد فقط وده اللي خلق نقطه اختلاف كبيره جداً علي جوني ديب وخلاه يوصل لمرحله انه اكتر ممثل. Overrated جماهيرياً … طيب نعرف السبب ايه ؟؟

اول حاجه زي ماقولت فوق جوني ديب ممثل ممتاز جداً متنوع ومبهر انا شخصياً بحبه جداً واي فيلم ليه بيشتغل قدامي بقعد وبستمتع بيه بس ياتري ايه عيب جوني ديب ؟

معظم افلام جوني ديب او تقريباً كلها افلام جماهيريه من النوع اللي بتجذب الجمهور بمعني انه مبيعملش افلام للنقاد والجوايز ولذلك جوني ديب معظم الناس بتقول عليه مش واخد حقه في الجوايز وفي نفس الوقت يمتلك قاعده جماهيريه كبيره جداً لأنه بيلعب علي الافلام التجاريه اللي تجذب الجمهور تدور في عالم خيالي او تحتوي علي قصه غريبه وشخصيه رئيسيه اغرب … علي عكس ممثلين زي كريستيان بيل اللي بيختارو ادوارهم بشكل كويس جداً يعلق مع الجمهور والنقاد وجودتهم كويسه وبيبذل مجهود عشان يقدم الشخصيه بالشكل المطلوب وفي المقابل ممكن نلاقي موهبه عظيمه زي نورتون دفنت نفسها باختياراتها وحرمتنا منها …

– لو هنتكلم بجد ونقول انه اتظلم في الاوسكار الفيلم الوحيد اللي اقدر اقول فعلا انه كان يستاهل عليه اوسكار هو

Edward Scissorhands

ابداع لا مثيل ليه وقدره عاليه علي الاتقان يخليك توصل باللاوعي للتعاطف مع هذه الشخصيه وعيش معاناته …

  • جوني ديب ليه افلام كتير جميله جداً وكويسه وممثل ممتاز جداً بيعرف يعبر كويس ويتقمص الشخصيه ولو عايزين نشوف قد ايه هو ممثل كويس تقدروا تشوفوا الافلام دي وبجد اداءه المبهر هيبان في الافلام اللي تقريبا من غير مكياج وتنوع الافلام اللي قليل بيتكلم عنها ومش واخدين حقهم افلام زي دي

.

Black mass ، find neverland ,donnie brasco , public enemies , blow , the tourist , Ed Wood.. transcendence , ninth gate …

واخيرا Sweeny tood ..

  • جوني ديب ادواره متنوعه طبعا وبتعلق مع الناس بس من وجهة نظري هو لسه قدامه يقدم افضل من كده بكتير لو استغل موهبته واختار ادوار (جديه ) الناس اللي بتقلل منه هما اول ناس هتشيد بيه وانا عن نفسي واثق جداً في موهبته بس ناقص انه يستغلها صح لو عايز يبني تاريخ لنفسه … التاريخ بينسي اي حد بيدفن موهبته .. لذلك جوني ديب ليس حرباء هوليوود ولا افضل ممثلي جيلي .. جوني ديب موهبه دفنت نفسها بإختياراتها وحصر موهبتها في نوع واحد من الأفلام .

بقلم : حسن سلامة

Behind The Scene
بيهايند هي كيان سينمائي مصري متخصص فى مجال ترشيحات الأفلام والمسلسلات وتقديم تغطية لكافة الاخبار الفنية في السينما والدراما