اخبار

تامر حسني أم عمرو دياب .. بالأدلة من هو صاحب أعلى توقعات في صيف 2018 !!

تامر حسني وعمرو دياب 2018

 

الحرب ابتدت وكل واحد فيهم بدأ يحضر ترسانته للفوز بالسيزون السنة دي! بس مين ممكن يفوز برضا الجمهور في السيزون دا؟! سؤال صعب خلونا نحكي الحكاية من الأول 

البداية لما تامر نزل بإعلان من 3 أسابيع لكليب اغنيته مع الشاب خالد “وانت معايا” ثم إعلان جديد بعدها بأسبوع لكليب أغنية “عيش بشوقك” وأسبوع كمان ونزل كليب “عيش بشوقك” واللي حقق مشاهدات عالية في ظل توقيت نهائي كاس العالم!

 

شاهد كيف دعم الفنانون عيش بشوقك

 

عمرو من 3 أيام قرر يبدأ بنزول البوستر الرسمي لألبومه الجديد “كل حياتي” وظهر فيه بـ لوك جديد ومميز جداً ومعاه بدأت فودافون بحملة الدعايا للألبوم في كل مكان بس تفتكروا عمرو سكت لحد كدا! لأ طبعاً دا الهضبة ونزل بـ teaser اغنية من الألبوم اسمها “دا لو اتساب” من كلمات أيمن بهجت قمر تلحين محمد يحي وتوزيع أسامة الهندي.

 

ألبوم عمر السنة دي يعتبر مميز حبتين ودا بسبب إن عمرو جمع أسطوله القديم اللي بيضم نجوم كبار زي حميد الشاعري، نادر حمدي، عمرو مصطفى، تامر حسين

نجم الجيل قرر انه يرد ونزل على حسابه على انستجرام بإعلانين كليب أغنيته “100 وش” اللي عاملها ديو من الألبوم الجديد مع مصطفى حجاج ودياب وأحمد شيبة.

“100 وش” كلمات تامر حسني ورمضان محمد وألحان تامر حسني ومحمد الصاوي توزيع أحمد عادل وإخراج حسام الحسيني واللي زي ماحنا ملاحظين انها واخدة طابع شعبي.

“100 وش” كلمات تامر حسني ورمضان محمد وألحان تامر حسني ومحمد الصاوي توزيع أحمد عادل وإخراج حسام الحسيني واللي زي ماحنا ملاحظين انها واخدة طابع شعبي.

وآخر حجة حصلت إن سيمبلات ألبوم تامر اتسربت ونزلت على السوشيال ميديا وكذلك أغنية عمرو اتسربت ونزلت كاملة على مواقع كتير …

ولسا الحرب دايرة بين الكل والجايزة هي سيزون صيف 2018 اللي باقي عليه شهرين تقريباً فيا ترى توقاعتكم مين يفوز

تامر و الشو الضخم التقيل اللي عودنا عليه ولا عمرو اللي قرر ينزل بألبوم يقول فيه للجميع إنه لسا الهضبة!!

بقلم : احمد النجار

Behind The Scene
بيهايند هي كيان سينمائي مصري متخصص فى مجال ترشيحات الأفلام والمسلسلات وتقديم تغطية لكافة الاخبار الفنية في السينما والدراما