الميكانيكي تريفور في فيلم The Machinist بيعاني من الأرق الدائم ووصل بيه الحال انه مينامش لمده سنه كامله الا ساعات بسيطه وبيبدأ المرض بالظهور عليه والتعب والارهاق والاوهام بتزيد مع الوقت .
يبدأ بعد مرور السنه دي يتوهم حاجات غريبه بتحصله وبيحاول يفهم ليه ده بيحصله او ايه السبب وراها ؟!
– كريستيان بيل اتقن الدور بشكل ممتاز جداً قدر يوصلنا احساس الشخص المضطرب نفسياً المصاب بالتعب والارهاق الدائم ومننساش طبعا انه خسر 27 كيلو عشان يقوم بالدور ده واتمه علي اكمل وجه ودور من افضل ادواره .
– المخرج براد اندرسون مخرج رائع وصلنا الحاله اللي بيمر بيها كريستيان بيل وسوداويه العالم من وجهة نظره وحياته البائسه واللي بتنعكس علي كل حاجه حواليه وكان فيه اسقاطلت بتعكس الحاله اللي بيمر بيها البطل مع كادرات وجوانب سوداويه من حياه البطل زي بيته المهمل وحياته الغير مستقره .
– موسيقى The Machinist رائعه جداً بتجسد الحاله اللي بيمر بيها البطل اوقات هاديه اوقات متصاعده مع الاحداث ورتمها سواء الهادي او العنيف جسدت معاناه البطل بشكل ممتاز
– سيناريو فيلم The Machinist جيد او مش ممتاز بالقدر الكافي والحوار ما بين الشخصيات طبيعي وسطحي ماعدا بعض الحوارات الرائعه اللي تجذب الانتباه ، والاحداث متسلسله بشكل جيد والحبكه ممتازه .