مراجعات افلام

مراجعة فيلم Suicide Squad .. فيلم مسلي لا بأس به

فى البداية حابب اوضح انى كنت من اكتر الناس الى رافضة تشوف الفيلم دة اولاً : لان معجبنيش التريلرز بتاعتة ..

ثانيا : لانى بعد مشفت فيلم ( باتمان وسوبرمان) قفلت من (دى سى ) ومن الافلام الجاية ليها ..

بس فعلاً مينفعش تحكم على حاجة قبل متشوفها .

مبدائياً الفيلم مش الى كان منتظر بس قدر يخدم غرض التسلية والمتعة بكفائة وكمان وفتح مجال لشخصيات من المفترض انها تظهر فالافلام الجاية لشركة (دى سى )..

الفيلم حلو جداً وقصتة حلوة بغض النظر عن بعض الثغرات فالقصة .. مش هتمل وانت بتتفرج علية والاحداث سريعة وبسيطة مش معقدة وكمان مشوق انك تكمله للاخر .. كمان الموسيقى حلوه ومناسبة للاحداث ..

الشخصيات :

ويل سميث خد دور لايق علية جداً وكمان كان يعتبر هو البطل الاساسى للفيلم بس للاسف الشخصية حسيت انها ظهرت بشكل اكبر من حجمها بالنسبة لشخصية الجوكر مثلا او هارلى كوين بس طبعاً دة طبيعى بالنسبة لممثل بحجم #ويل_سميث..

مارجوت روبي لايق عليها دور هارلى كوين جدا وقدرت فعلاً انها تخليك تحس باختلاف بين شخصيتها وهى طبيعية وبين هارلى كوين رغم ظهور الشخصية الطبيعية فى كام دقيقة.

جاريد ليتو مبدائياً انا مش من محبى جاريد ليتو شايفة ممثل كويس بس مش الممثل الجاحد يعنى ولما شوفت التريلر حسيت انة مش هيقدر يتفوق على هيث ليدجر ومازلت عند رأى جداً لانى بعد مشفت الفيلم اتأكدت ان صعب جداً جداً حد يقدر يعمل دور الجوكر افضل من هيث ليدجر الا واحد وهو جوني ديب ودة من وجهة نظرى مش اكتر ..

لكن برغم انة مقدرش يعمل الى عملة ليدجر لكن انا شايف انه قدر يعمل جوكر جديد جوكر مجنون بطريقة جديدة جوكر دموى مش بيفكر بفلسفة جوكر هيث ليدجر ولا كوميدى زى الكوميكس.. بس لحد دلوقتى الحكم مش هيبقا كامل لانه مخدش حقه فالظهور فالفيلم ومنتظر ظهوره فى فيلم (باتمان)..

الفيلم كمجمل حلو ومشوق ومن الافلام الخفيفة مقارنة بفيلم (باتمان وسوبرمان) الى بعتبر نقطة سودا فى تاريخ (دى سى) ..

رأيك مهم
Like
Love
Wow
Sad
You have reacted on "مراجعة فيلم Suicide Squad .. فيلم مسلي لا بأس به" A few seconds ago

كريم مدحت

شريك و مدير تحرير موقع بيهايند, كاتب ومؤلف قصص قصيرة وناقد سينمائى, مصمم جرافيك .. يعمل فى مجال المبيعات والتسويق من مواليد 13 فبراير بمحافظة القاهرة قام بتأليف القصة القصيرة " هذا الوقت سيمضى " والتى صدرت عن دار زين للنشر والتوزيع.

ذات صلة

زر الذهاب إلى الأعلى
Do NOT follow this link or you will be banned from the site!
إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock