مراجعات افلام

مراجعة فيلم : Song To Song

– فيلم بيشارك في مجموعة من الممثلين الكبار “مايكل فاسبندر” و”ريان جوزلينج” وناتالي برتمان” و “روني مارا”، الفيلم من كتابة وإخراج “تيرانس ماليك”.

– الفيلم بيحكي عن قصص حب كثيرة فيها الخيانة والحب، (تيرانس ماليك) تقريبا عمل الفيلم ده عشان هو اللي يشوفه بس .. القصة مش واضحة اصلا من بداية الفيلم .

ناس بتظهر بتتكلم بدون أي خلفيات عن الشخصية .. الممثلين الكثير دول تحس ان هما روبوت بتمثل بينفذه كلام (تيرانس ماليك) وطبعا انا مش عارف هو عايز يوصل ايه من خلال العلاقات الكثيرة دي اللي ملهاش معني، خد برأي كذا حد عشان اشوف الفيلم .. ف لقيت عليه أراء كثيرة في اللي عجبه اوي وفي اللي معجبوش خالص وفي العادي، فقررت اشوفه عشان اشوف انا مع مين، والحقيقية الفيلم سئ جدا .. فارغ جدا كسيناريو .. (ماليك) عايز يقدم مشاعر وحب وغضب وخيانة .. وكل ده من غير حبكة .. في صديق قالي انه فيلم شاعري لأبعد الحدود ..

الشاعرية مش اني اجيب كلام شاعري مع أشجار وبحر وشاطئ بس .. لازم يكون في حبكة تخليني احس بشاعرية الفيلم زي فيلمه (The Tree Of Life) متماسك فنييا بحبكة درامية وفلسفية بمشاهد شاعرية رائعة جدا .. بتوصلك احساس الأشخاص .. بكلامهم ومشاعرهم وحزنهم وانقعلاتهم، كل الشاعرية في الفيلم وصلتلي واتآثرت بيها جدا ..

أما عن (Song To Song) هو تقديم مشاهد فارغة رغم ان تقديمها شاعري

– والغريب ان ازاي ممثلين بالقوة دي يعملوا فيلم زي ده ! يعني هما لما قروا السيناريو والقصة ايه اللي شدهم وعجبهم فيها !

وده دايما اللي بيهتم بي (تيرانس ماليك) في أفلامه إنه يجيب ممثلين معروفين بابداعهم وبيستخدمهم بطريقته في عرض فلسفته للفيلم ..

السيناريو مكنش بيثبت علي قصة أو حتي مشهد معين كل شوية بينتقل من المشاهد بدون أي مبرر وبينتقل من قصة ل قصة .. بردو فيه مشاهد كثير لا معني لها .. مجرد استعراض فقط.

– حقيقي كنت منتظر فيلم عظيم .. لأني عارف شغل (ماليك) كويس بس للأسف الفيلم فارغ وسئ .. ومفيش حاجة اسمها الفيلم ده لناس معينة لأني اسمع ناس كثير بتقولي كده .. انا بعد ما بخلص أي فيلم بسأل نفسي هل الفيلم حلو فنييا ؟

بقلم : ماركو عز

الوسوم

Behind The Scene

بيهايند هي كيان سينمائى مصري متخصص فى مجال السينما والدعاية السينمائية نعمل على تقديم احدث الاخبار المصرية و العالمية فى مجال السينما ودعم الافلام السينمائية
زر الذهاب إلى الأعلى
إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock