من اعظم الافلام التي تتحدث عن الجريمه والعقاب … الفيلم مأخوذ عن رواية الكاتبه المخضرمه اجاثا كريستي .
طاقم العمل:
تشارلز لوتون – مارلين ديتريتش
قصة الفيلم:
بيتم قتل سيده عجوز غنيه وكان دايما في ايامها الاخيره بيكون معاها راجل بصفه دايمه هو اللي بيُتهم في قتلها وبيروح لمحامي في دار القضاء عشان ينقذه والمحامي بيوعد انه يساعده في تبرئته من الجريمه .. بتبدي القصه لما الشاهد الوحيد اللي ممكن ينقذ الراجل هو مراته والمحامي بيحس ان فيه حاجه مش طبيعيه في مراته ومبيثقش فيها …
-تشارلز لوتون ادي دور عظيم جداً من افضل الادوار اللي شوفتها في حياتي وافضل مرافعه دفاع عن متهم شوفتها في فيلم مع حركات ايده وتعبيراته وايمانه ببراءه المتهم والسعي لنجاحه في اخر قضيه ليه …
-مارلين ديتريتش ادت دور لا يقل روعه عن افضل الادوار النسائيه في تاريخ السينما ادت دور بارع جداً لشخصيه المرأه القويه المعاديه لزوجها واللي مستعده تقف قدامه وتشهد ضده بدون وجود الدافع او المبرر …
سيناريو الفيلم رائع ومليان بالاحداث المشوقه والمشاهد هيكون في حيره وفضول طول الوقت لمعرفة الحقيقه وحبكه النهايه جميله جدا وغير متوقعه وكل حدث وتفصيل نتيجه للي بعده وتمهيد ليه في تسلسل جميل ومشوق ….
-رسم الشخصيات كان غايه في الاتقان والحوار بينهم كان رائع جداً والمشاهد هيستمتع في كل دقيقه من الفيلم ومع مرور الوقت بيتشد ليه اكتر
-الاخراج للمخرج العظيم بيلي وايلدر الحاصل علي 6 اوسكار واخرج لنا تحفه من اجمل التحف السينمائيه تحفه حقيقي متكامله …
