مراجعات افلام

القاعده الاولي في نادي القتال: لا تخبر احداً عن نادي القتال

– القاعده الاولي في نادي القتال: لا تخبر احداً عن نادي القتال

واحد من افضل الافلام في تاريخ السينما قدمه لنا بعبقريه المخرج المخضرم ديفيد فينشر .

الممثلين: ادوراد نورتون براد بيت وهيلينا بونهام .

-الاداء كان رائع جداً .. نورتون ادي دور الشخص المصاب بالأرق بكل احترافيه وقدر يوصلنا معاناته ووحدته وضعف شخصيته .. براد بيت اتقن دوره جداً الشخصيه المسيطره علي زمام الامور وقائد يحُتذي به … هيلينا بونهام عملت افضل دور في حياتها وكان اختيار موفق جدا من المخرج …

قصة الفيلم : موظف دائم الشعور بالارق بيروح لدكتور وبينصحه يحضر مع مجموعه من الناس ويعبر ليهم عن احساسه ومرضه بيروح ويتدعي للمرض وهناك بيقابل مارلا سينجر اللي بتدعي المرض ودي حاجه بتضايق الموظف وبيطلب منها انها تبعد عن المكان لأنه مش حابب كونها مش مريضه وبتدعي المرض .. بيقابل تايلر دردن شخص بيتعرف عليه في الطياره وبياخد رقمه … بعد ما الموظف يوصل بيته بيلاقي ان البيت حصل فيه انفجار كبير وهو ميعرفش السبب .. ولسوء الححظ ميعرفش اي حد فبيضطر يتصل بصديقه اللي اتعرف عليه في الطياره … بيروحله ومع مرور الوقت بيبقوا صحاب وبيتطور الموضوع انهم يأسسوا نادي القتال

-سيناريو الفيلم عظيم من اول الفيلم لاخره ممتع والاحداث متماسكه ومترابطه ومع مرور الوقت بتبدي الاحداث في التزايد والتشابك وتبدأ تزيد الاثاره تدريجياً والنهايه اعظم ما يكون …

-الحوار ما بين الشخصيات ممتع وعبقري الي حد كبير هتستمتع بيه وبالذات في النص التاني من الفيلم واي حوار ما بين ادوارد وبراد هتوصل فيه لقمه الاستمتاع …

موسيقي الفيلم .. قليله في مشاهد كتير واحياناً موجوده مبتعبرش عن الاحداث اوي اقدر اقول عنها متوسطه ومعلقتش معايا كتير ..

الاخراج عظيم جداً وطبعا الفيلم للمخرج العبقري ديفيد فينشر وبالنسبالي. Fight club. افضل فيلم ليه لانه فعلا مش هيتكرر ولا هيجي فيلم بجماله وعظمته فاحب اشكر ديفيد فينشر علي التحفه الخالده دي

بقلم : حسن سلامة

الوسوم

Behind The Scene

بيهايند هي كيان سينمائى مصري متخصص فى مجال السينما والدعاية السينمائية نعمل على تقديم احدث الاخبار المصرية و العالمية فى مجال السينما ودعم الافلام السينمائية
زر الذهاب إلى الأعلى
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock