قوائم الأفلام

القائمة الكاملة لأقوى افلام الحروب

محمود مختار يكتب : مقال موسوعى كنت كتبته من فترة، أتمنى انه يعجبكم و يفيد الناس فى الإلمام بأفلام قد تكون مفضلة للكثير و هى أفلام الحروب، السينما والحرب.

الحرب من أهم الموضوعات التى ناقشتها السينما عبر تاريخها الطويل، و ذلك لِكَون الحروب من أكثر المعضلات على البشر منذ بدء الخليقة.

 

فلسفة الحرب فى حد ذاتها كانت موضوع دسم جدا و ممتلئ الجوانب استغله صناع السينما الاستغلال الأمثل فى تحويلها لأفلام تتناول ويلات الحروب و تأثيرها على النفس البشرية بصفة خاصة وعلى المجتمعات بصفة عامة .

 

بحب اقسم أفلام الحروب الى اربعة أقسام :

مراجعة فيلم Dunkirk

النوع الأول: الافلام اللى بتهتم بالحرب نفسها مع توثيق لأحداثها و نتائجها و هى الافلام الملحمية اللى بتبقى مهتمة بالوقائع التاريخية للحرب و مين فاز و مين خسر و ازاى، و ده نوع مفضل لناس كتير من عشاق هذه الفئة من الافلام ، أهم افلام النوع ده هى :

The Bridge on The River Kwai 1957 (8/10) 

The Guns of Navarone 1961 (9/10)

Lawrence of Arabia 1962 (9/10)

The Battle of Algiers 1966 (9/10)

Barry Lyndon 1975 (7/10)

Apocalypse Now 1979 (9/10) 

Lion of The Desert 1981 (8/10)

Das Boot 1981 (9/10) 

Glory 1989 (9/10)

Flags of Our Fathers 2006 (6/10)

Fury 2014 (7/10)

13 Hours 2016 (8/10)

Pearl Harbor 2001 (6/10)

Dunkirk 2017 (9/10)

النوع التانى: الافلام اللى بتهتم بالجنود و بحالتهم النفسية و معاناتهم الشخصية أثناء فترات الحرب و منذ التحاقهم بالخدمة العسكرية و ده النوع المفضل عندى دايما، و النوع ده بيتناول فلسفة الحرب نفسها عشان كدة بيبقى دايما قريب من القلب لانه بالأساس يعتبر جانب انسانى، أهم افلام النوع ده هى:

Wings 1927 (8/10)

All Quiet on The Western Front 1930 (9/10)

Attack 1956 ( 8/10 )

Paths of Glory 1957 (8/10)

Ivan’s Childhood 1962 (8/10)

The Longest Day 1962 (8/10)

Patton 1970 (9/10)

Cross of Iron 1977 (9/10)

The Deer Hunter 1978 (8/10)

Come and See 1985 (10/10)

Platoon 1986 (8/10)

Full Metal Jacket 1987 (8/10)

Saving Private Ryan 1998 (9/10)

The Thin Red Line 1998 (9/10)

Letters From Iwo Jima 2006 (7/10)

Days of Glory 2006 (8/10)

The Hurt Locker 2008 (7/10) 

Land of Mine 2015 (7/10)

Hacksaw Ridge 2016 (8/10)

النوع التالت: و هى الافلام الدرامية الاجتماعية او حتى الرومانسية او الكوميدية اللى بتبقى الحرب فيها جانب من جوانب الفيلم و ده بيعلى اوى من قيمة الفيلم ككل و بيخليه فيلم عظيم، و أهم افلام النوع ده:

The General 1926 (9/10)

The Great Dictator 1940 (9/10)

Casablanca 1942 (8/10)

From Here To Eternity 1953 (9/10)

Stalag 17 1953 (9/10)

The Young Lions 1958 (7/10)

Two Women 1960 (8/10)

Judgment at Nuremberg 1961 (10/10)

Doctor Zhivago 1965 (8/10)

Grave of The Fireflies 1988 (10/10)

Schendler’s List 1993 (10/10)

Forrest Gump 1994 (10/10)

The Pianist 2002 (9/10)

Master and Commander 2003 (7/10)

Hotel Rwanda 2004 (8/10)

Blood Diamond 2006 (7/10)

Che: Part One & Part Two 2008 (6/10)

Tangerines 2013 (9/10)

النوع الرابع: و هى الافلام الشاملة، اللى بيبقى فيها تقريبا كل حاجة فى حياة الإنسان و من ضمنها الحرب و ديه قليلة جدا عبر التاريخ و بتبقى افلام عظيمة جدا جدا من اعظم الافلام فى التاريخ… و أمثلة الافلام ديه هى :

Gone With The Wind 1939 (9/10)

War and Peace 1956 (7/10)

Ben Hur 1959 (10/10)

Spartacus 1960 (9/10)

The Human Condition Trilogy (10/10)

Braveheart 1995 (9/10)

Gladiator 2000 (9/10)

The Last Samurai 2003 (10/10)

The Lord of The Rings Trilogy (10/10)

تطور الفيلم الحربى عبر التاريخ مر بمنعطفات كتيرة لقرابة ال100 سنة، هاسرد هنا اهم الاعمال الحربية اللى اثرت على صناعة السينما عموما :

فى 1915 بدأ جريفيث مشوار الفيلم الحربى بصنع فيلمه الشهير جدا ” مولد امة ” و هو فيلم ملحمى اتكلم فيه عن بداية دولة اسمها امريكا.. و بعدها ب10 سنين فى 1925 صنع الروسى ايزنشتاين فيلمه الحربى العظيم و الخالد ” المقاتلة بوتيمكن “…

فى أواخر العشرينات و اوائل التلاتينات صناع السينما خاصة الامريكان لجأوا لفكرة اظهار التعاطف مع جنودهم و جيوشهم عن طريق ابراز اللى بيمر بيه الجنود أثناء الحروب من معاناة نفسية و جسدية و ده كان بعد انتهاء الحرب العالمية الأولى قدم عام 1927 ويليام ويلمان فيلمه التاريخى ” أجنحة ” بعدها فى 1930 وصل لويس ميليستون للذروة بفيلمه العظيم ” كل شئ هادئ على الضفة الغربية ” …..

بعد كدة هدأت وتيرة او موضة افلام الحرب ، اللى رجعت زادت تانى و بشدة فى اوائل الخمسينات بعد انتهاء الحرب العالمية التانية ، حيث قدم دافيد لين 3 افلام عظيمة خلال نهاية الخمسينات و بداية الستينات و هى ” جسر نهر كاواى ” و ” لورانس العرب ” و ” دكتور جيفاجو ” و قدم ستانلى كوبريك فيلمه الحربى الخالد ” دروب المجد ” و قدم اليابانى ماساكى كوباياشى ايضا ثلاثيته العظيمة الخالدة ” الحالة الانسانية ” و ابدع ايضا تاركوفسكى فى اظهار تأثير الحرب على النفس البشرية فى فيلمه ” طفولة ايفان ” …..

فى السبعينات و التمانينات ظهر كوبولا و براندو بالفيلم العظيم ” القيامة الان ” عن حرب فيتنام و سار على نفس الدرب مايكل كيمينو فى ” صائد الغزلان ” لروبرت دى نيرو ثم اوليفر ستون بفيلمه الجميل ” بلاتون ” ، ايضا من ابرز انتاجات هذه الحقبة هو فيلم الروسى ايليم كيلموف العظيم ” تعالى و شاهد ” و فيلم وولفجانج بيتيرسن ” الغواصة ” و فيلم ستانلى كوبريك ” السترة المعدنية الكاملة ” ….

التسعينات و ما ادراك ما التسعينات ، كانت فترة ممتازة لافلام الحروب بافلام ” قائمة شيندلير ” و ” انقاذ الجندى ريان ” لستيفن سبيلبيرج و ” فوريست جامب ” لروبرت زيميكس و ايضا ” الخيط الاحمر الرفيع ” لتيرانس ماليك …..

السينما خير من تكلم عن الحروب و ويلاتها و الحياة العسكرية و معاناتها …. فالسينما هى الحياة.

بقلم : محمود مختار

Behind The Scene

بيهايند هي كيان سينمائى مصري متخصص فى مجال السينما والدعاية السينمائية نعمل على تقديم احدث الاخبار المصرية و العالمية فى مجال السينما ودعم الافلام السينمائية
زر الذهاب إلى الأعلى
إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock