شرح وتفسير

الفيلم الذي لم يفهمه الكثيرون – شرح فيلم Interstellar

المقال هيكون فيه حرق لقصه الفيلم والنهايه فاللي متفرجش عليه ياريت ميقراش شرح فيلم Interstellar

قصه فيلم Interstellar

قصة الفيلم ببساطه ان كوكب الارض معادتش يصلح لبقاء البشر عليه او لاستمرار حياتهم فيه ونتيجه لكده مجموعه من علماء شركه ناسا بيدوروا علي كوكب صالح للحياه .

– اول حاجه الهدف طبعا هو انقاذ البشر من كوكب الارض … ناسا حطت خطتين لانقاذ البشر .. الاولي هي نقل البشر علي الكوكب اللي هيكون صالح للحياه … التانيه والبديله اللي هي لو مقدروش ينقلوا البشر .. هيكونوا محتفظين ببويضات مخصبه يتم انشاءها في بيئه مناسبه عشان تضمن استمرار الجنس البشري علي كوكب تاني .

– كوبر هيقع في ثقب دودي اللي هيمكنه من التحكم في الزمكان .. اللي هو المكان والزمان .. وده اللي هيخليه يقدر يتواصل مع بنته عن طريق التحكم في الجاذبيه ..

– الكائنات اللي كانت بتكلم كوبر في الاخر دي مش كائنات فضائيه او غريبه لا دول بشر وصلوا لدرجه عاليه من الذكاء والتطور وهما اللي صمموا الثقب الاسود عشان كوبر يوصل ليه ويقدر يتحكم في الماضي … وده عن طريق انه ينبه بنته عشان تنقذ البشر من علي كوكب الارض ..

– في اول فيلم

 Interstellar

الكتاب وقع وظهر فيه Stay. كوبر اللي عملها ومعني كده ان كوبر كان بيتواصل معاها من المستقبل في الاول علي امل ان بنته توريله الكتاب ويقعد ولكنه للاسف قرر يسافر وفشلت محاولته الاولي .. والمحاوله التانيه منه في اخر الفيلم لما قرر يبعتلها اشاره تانيه لانقاذ الكوكب والمره دي بنته فهمت الاشاره ..

– ناسا بعتت 12 عالم فضاء عشان يشوفوا ايه الكواكب اللي تصلح للعيش ولكن كلهم ماتوا ومتبقاش غير 3 اللي ارسلوا لناسا اشارات بتقول انهم في كواكب تصلح للحياه ومن هنا اتجهت ناسا لكوبر عشان يشوف ايه من الكواكب دي يصلح للحياه …

-كوبر لما رجع في الاخر لبنته لقاها عجزت ده بسبب فرق التوقيت ما بين الكواكب والفضاء والثقب الدودي … ومابين كوكب الارض لان الوقت علي كوكب الارض اسرع مقارنه بالوقت علي الكواكب اللي كوبر كان فيها

– كل الحاجات دي كانت الاحداث الرئيسيه في الفيلم حاولت ابسطها علي قد ما اقدر وبالنسبه للقوانين اللي كانت بتيجي سيرتها في الفيلم فدي طبعا لازم تكون معروفه ويمكن تجاهلها عادي لو هتركز في احداث الفيلم الرئيسيه وترتبها لكن زياده علم القوانين دي هي ..

(نظرية النسبية العامة، قانون التفرد، شفرة مورس، الأُفُق، الثقب الأسود، الثقب الدودي، ميكانيكا الكم، نظام العد الثنائي) ..

بقلم : حسن سلامة

واللي محتاج استفسار او عنده سؤال او حابب بتناقش في نقطه معينه يتفضل طبعا

الوسوم
زر الذهاب إلى الأعلى
إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock