مراجعات افلاممميز

الحياه قاسية جداً leon the professional

للأسف الفيلم ده اتظلم جماهيرياً بسبب نزوله في سنه من اقوي السنين في تاريخ السينما وهي سنه 1994 .

طاقم العمل: جان رينو -ناتالي بورتمان- جاري اولدمان

جان رينو اتقن اتقان كامل دور القاتل المتسلسل هادئ الطباع المنطوي اللي بيرعي نبتته بانتظام يومياً وبيشرب اللبن .. بارد المشاعر وحاد الملامح ويغلب علي طابعه الشك ولكن مع اول موقف بيقابله بيساعد البنت اللي لجأتله وده بيدل علي طيبه قلب القاتل المتسلسل ده … دور عظيم اداه جان رينو بكل براعه

-ناتالي بورتمان اثبتت انها منذ صغرها وهي ممثله عظيمه وده بالنسبالي اقوي ادوارها بعد ..

Black swan , vendetta

جاري اولدمان من اكتر الممثلين المظلومين جماهيرياً .. جاري بيؤدي دور الشرطي الفاسد اللي بيقوم بالجريمه بدم بارد جداً بدون اي شفقه او رحمه وقدره عاليه من الذكاء وبالنسبالي اكتر دور حبيته في الفيلم هو ..

– قصة الفيلم: ماتيلدا طفله بتعيش مع اهلها الغير مهتمين بيها و مكتئبه ووحيده دائماً .. وهي راجعه من بره في يوم ووصلت البيت لقت ان في عصابه قتلت اهلها كلهم ووقتها بتلجأ لجارها ليون واللي بينقذها من غير ما العصابه تاخد بالها …

– الفيلم رائع جداً لانه بينتقل من حياه ماتيلدا البائسه الي حياه ليون الغامضه وازاي الاتنين هيعيشوا حياه واحده في نفس البيت مع مراعاه فرق السن وطريقة التفكير وطبيعة شغل ليون ..

سيناريو الفيلم عظيم والاحداث متسلسله بطريقه رائعه وحبكة الفيلم جيدة جدا وكل حدث خد وقته بشكل سليم 

– الحوار مابين الشخصيات قمة في الروعه اي حد هيستمتع بكل حوار بين ليون وماتيلدا ومننساش حوارات جاري اولدمان اللي قدم دور استثنائي

-الموسيقي متناسبه مع جو الفيلم ويسود في الفيلم الموسيقي الدراميه الحزينه ..

الفيلم للمخرج لوك بيسون وبنحب نشكره علي الفيلم الرائع ده …

ومن اشهر افلامه ..

lucy ,nikita ،The big blue

بقلم : حسن سلامة

الوسوم

Behind The Scene

بيهايند هي كيان سينمائى مصري متخصص فى مجال السينما والدعاية السينمائية نعمل على تقديم احدث الاخبار المصرية و العالمية فى مجال السينما ودعم الافلام السينمائية
زر الذهاب إلى الأعلى
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock